МААЛЫМАТ ПОРТАЛЫ

Түркмөнстанда мугалим уурулук учурунда 19 жаштагы кызды өлтүрүүгө шектелүүдө

15.07.2021

Көз карандысыз Turkmen.news басылмасы 12-июлда Дашогуз шаарында 19 жаштагы кызды кошунасы өлтүргөнүн жазды.

Бул маалыматты “Азаттыктын” түркмөн кызматынын Дашогуздагы кабарчысы да тастыктады. Маалыматка караганда, кызды өлтүрүүгө Дашогуз шаарынын №6 мектебинин дене тарбия мугалими шектелүүдө. Ал кошунасынын үйүнө уурулук максатында кирген. Үйдө мединституттун 1-курсун аяктап, эс алууга келген кызы болгон.

Шектүү уурулук учурунда кызды көрүп калып, аны балта менен чаап таштаган.

Turkmen.news агенттиги болсо кызды өлтүрүүгө кошуна ата-бала шектелип жатканын жазды.

Полиция шектүүлөрдү кармаган. Алар кошунасынын үйүнөн сейф уурдоону көздөшкөнүн, кыз аларды көрүп, качууга аракет жасаганда балта менен чаап ташташканын мойнуна алышкан.

fakt.kg

Share on facebook
Share on twitter
Share on whatsapp
Share on vk
Share on odnoklassniki
Share on telegram