Нарында жарандык активистке өлгөн иттин башын жиберишкен

29.10.2020

Нарында жарандык активистке белгисиз жарандар өлгөн иттин башын жиберишкен.

“Кечээ, кечке маал мага Бишкек шаарынан “посылка” келди. Кутучага салынып, шөкөттөлүп, скотч менен айда оролгон экен. Ичинде белгисиз бир жандыктын (мыкаачылык менен кесилип, тили чыгып калган) баш сөөгү болуп чыкты..,

Эми мындай туугандар, чынында көзүм көрүп, кулагым укканды, анын ичинен элдин көйгөйүн, өзүм жашаган коомдогу болуп жаткан туура эмес көрүнүштөрдү, коррупция аралашкан иштерди, саясий өңүттөгү сын-пикирлерди коомчулукка, социалдык тармактарга блогер катары ачык билдирип жүргөнүм чын.

“Баш кесмек бар, тил кесмек жок”-демекчи, мен муну менен позициямдан кайтып калбайм, же коркуп калбайм, болгону кыз кишиге ушундай нерсе жөнөтүү, ушундай мамиле кылуу туура эмес деп ойлойм!

Кудай деген пендемин, баарыбыз бир гана улуу Аллах Тааланын алдында гана алсызбыз, Жараткандын алдында гана күнөө кылуудан коркушубуз керек жана Мыйзам алдында гана жооптуубуз!

Бул көрүнүш мага эмес коомчулукка болгон коркунуч, бүгүн мага карата болгон коркутуу, эртең дагы бирөөнүн башына келбейт деп эч ким кепилдик бере албайт.

Бүгүн, тиешелүү жактарга арыз жаздым, сураныч коомчулук дагы, активист байке-эжелер дагы кайдыгер карабай оюуңуздарды билдирүүгө чакырам!Улуттук коопсуздук комитети баштаган тиешелүү органдар посылка жөнөткөнүн дагы, буйрутма бергенин дагы таап, Мыйзам чегинде чара көрүп, мага коркунуч туулбай, зыяны тийбей тургандай чечип берүүңүздөрдү суранам!
Ачык айтуу керек кектешкен кас-душманым деле жок, жөнөкөй бир пендемин, болгону мен айткан чындыктар кимдир бирөөлөргө жакпай калса керек деп ойлоп жатам.

Мекен үчүн, элим үчүн, жерим үчүн, жаштар үчүн, чындык үчүн тилимди, башымды кесип кетсе дагы, позициямдан кайтпайм, жазганым жазган, айтканым айткан!”,-деп билдирди активист айым.

Share on facebook
Share on twitter
Share on whatsapp
Share on vk
Share on odnoklassniki
Share on telegram

Fакт TV

1206

18 400

Акыркы кабарлар