“Чоң казат” бир катар мыйзамдарды бузган

07.08.2020

Кыргыз Республикасынын шайлоо жана референдум өткөрүү боюнча борбордук шайлоо комиссиясы 2020-жылдын  6-августунда “Чоң казат” саясый партиясына шайлоо алдындагы агитациянын тартибин жана шартын бузгандыгы үчүн расмий эскертүү берди.

КР БШК чечими Шайлоо процессинде шайлоочуларга жана башка субьектилерге маалымат берүү жана агитациянын эрежелеринин маселелери боюнча жумушчу тобунун  чечиминин жыйынтыгын кароодон кийин кабыл алынды.  Жумушчу топ “Чоң казат” саясый партиясынын Facebook, YouTube жана Instagram – социалдык тармактарында тараган видеоматериалдарында шайлоо алдындагы агитация боюнча бир катар мыйзам бузуулар бар экендигин аныктаган.

“Чоң казат” саясый партиясына Кыргыз Республикасынын шайлоолор жөнүндөгү мыйзамында көрсөтүлгөн бузууларды эки күн ичинде четтетүү  жана жасалган иш-чаралар боюнча КР БШКсына маалымат берүү тапшырылды.

Share on facebook
Share on twitter
Share on whatsapp
Share on vk
Share on odnoklassniki
Share on telegram

Fакт TV

1110

15400

Акыркы кабарлар