Президент үй-бүлөлүк зомбулук жасагандар боюнча мыйзамга кол койду…

05.06.2020

Үй-бүлөлүк зомбулук жасоого шектүү адам 48 саатка чейин кармалат. Мындай чараны камтыган мыйзам долбооруна президент Сооронбай Жээнбеков кол койду.

«Жазык-процесстик кодексине өзгөртүү киргизүү жөнүндө» мыйзам Жогорку Кеңеш тарабынан 2020-жылдын 30-апрелинде кабыл алынган.

Мыйзам үй-бүлөлүк зомбулук фактыларын болтурбоо боюнча кечиктирилгис чараларды көрүү максатында кабыл алынган.

Өзгөртүүлөргө ылайык, жабырлануучунун жана башка үй-бүлө мүчөлөрүнүн коопсуздугун камсыздоо максатында үй-бүлөлүк зомбулук жасоого шектүү адамды 48 саатка чейин кармоо чарасы каралган.

Тактап айтканда:

-эгер жабырлануучунун өмүрүнө жана ден соолугуна реалдуу коркунуч бар болсо;

-эгер шектүү мас абалында болсо жана үй-бүлө мүчөлөрү үчүн коркунуч келтирип жатса;

-эгер шектүү жабырлануучуну жана башка үй-бүлө мүчөлөрүн кордоону, аларга коркунуч келтирүүнү, уруп-сабоону, шылдыӊдоону, басмырлоону улантат деп болжогонго мүмкүндүк берүүчү негиздер бар болсо, аны 48 саатка камоого мыйзам жол берет.

Мыйзам расмий жарыяланган күндөн тарта күчүнө кирет.

fakt.kg

Share on facebook
Share on twitter
Share on whatsapp
Share on vk
Share on odnoklassniki
Share on telegram

Fакт TV

1.019

14.8K

Акыркы кабарлар