Казак кыргыз өткөрмө бекетинин жанында 130 дай жүк ташуучу машиналар кезекте турат

14.01.2020

 Кыргызстан менен Казакстандын чек арасындагы «Ак-Тилек» өткөрмө бекетине жакын Бишкек-Торугарт жолун бойлой 130дай жүк ташуучу автоунаа турат. Кыргызстандын Мамлекеттик чек ара кызматы айдоочулар автоунаадагы жүктүн документтерин күтүп жатышканын айтканын билдирди.

Ал эми «Ак-Тилек» бекетинин өзүндө Казакстанга өтүш үчүн 12 жүк ташуучу машине кезек күтүп турат. Мамлекеттик чек ара кызматы Казакстандын Киреше боюнча мамлекеттик комитети автоунааларга кошумча текшерүү киргизгенин кошумчалады.

«Ак-Тилек» өткөрмө бекетинде жүк ташуучу машинелердин узун кезеги 7-январдан баштап байкалган. Буга байланыштуу кыргыз өкмөтү тынчсыздануусун билдирип, казак тараптын чек ара аркылуу товарларды жана жүктөрдү алып өтүүдөгү кошумча текшерүү киргизиши Евразия Экономикалык Биримдигинин (ЕАЭБ) нормаларына каршы келерин эскертип, ЕАЭБдеги милдеттерди аткарууга чакырган.

fakt.kg

Share on facebook
Share on twitter
Share on whatsapp
Share on vk
Share on odnoklassniki
Share on telegram

Fакт TV

1050

14900

Акыркы кабарлар