МААЛЫМАТ ПОРТАЛЫ

Айзаданы ала качкандар жазасын алышты

14.09.2021

Бүгүн, 14-сентябрда Бишкек шаарына караштуу Биринчи май райондук соту 27 жаштагы Айзада Канатбекованы уурдоого айыпталган жарандарга өкүм чыгарды.

Кылмышка 5 киши айыпталган. Алар — Сыймык Молдосариев, Токон уулу Кубаныч, Рысбай уулу Ажикабыл, Замирбек Раманкулов жана Орузбек Нурумбетов. Айыпталуучулар пандемияга байланыштуу сотко жеткирилген жок. Ошондуктан сот процесси онлайн режимде өттү.

Сот бардык айыпталуучуларды күнөөлүү деп тапты. Соттун өкүмүнө ылайык:

Замирбек Раманкулов 6 жыл 6 айга кесилди;
Токон уулу Кубаныч 6 жыл 6 айга кесилди;
Рысбай уулу Ажикабыл 7 жылга кесилди;
Орузбек Нурумбетов 7 жылга кесилди;
Сыймык Молдосариев 7 жылга кесилди.

Ошондой эле сот айыпталуучуларды Айзаданын үй-бүлөсүнө 100 миң сом материалдык зыян төлөп берүүгө милдеттендирди.

Share on facebook
Share on twitter
Share on whatsapp
Share on vk
Share on odnoklassniki
Share on telegram