Телефон уурдаган жаран 60 саат коомдук иштерди аткарат

26

Телефон уурдаган жаранга 5 күндүк коомдук иштерди аткаруу жазасы берилди. Бул тууралуу 24.kg маалымат агенттиги жазып чыкты.

Маалыматка ылайык, шектүү ушул жылдын 6-январында болжол Ош базарынан М.Ж. аттуу жарандын 9 миң 300 сомдук «Редми-6» үлгүсүндөгү телефонун уурдап алган. Окуя ошол жердеги видеокамерага түшүп калган.

Бишкектин Ленин райондук соту 7-мартта Б.Т.Т. аттуу жарандын ишин караган. Соттук отурумда айыпталуучу күнөөсүн моюнуна алып, өкүнүп жатканын айтты. Сот айыпталуучуну бул жорук боюнча күнөөлүү деп таап, Жоруктар кодексинин 90-беренесине ылайык, ага 60 саат коомдук иштерди аткаруу жазасын берди.

fakt.kg

Бөлүшүңүз