Жанар Акаев: «Урматтуу депутаттар, элдик пикир менен эсептешиңиздер!»

48

Кечээ, 25-июлда Бишкек шаардык кеңешинин (БШК) көпчүлүк каолициясы Бишкек шаарынын мэрлигине Азиз Суракматовдун талапкерлигин көрсөттү.Коалициянын жыйыныда БШКнын 4 партиясы Суракматовдун талапкерлигин колдогон.

Жогорку Кеңештин депутаты Жанар Акаев депутаттарды  Шайлоочуларыңардын үнүн угууга алар менен эсептешүүгө чакырды.

«Бул эмне деген кадр саясаты? Өлкөбүздүн борборун качанга чейин бай-манап, көпөстөр башкарат? Паркты бузуп, стратегиялык обьекттин жанына мыйзам бузуу аркылуу үйлөрдү курган Азиз Суракматов Бишкекке кантип жан дили менен күйөт? Коомчулукка жабык, Бакиевдердин жакын санаалашы экенин билебиз го. Шаар кеңешке шайланган башка деле партиялар, түзүгүрөөк талапкер алып чыккандан мынча коркосуңар? Шайлоочуларыңардын үнүн укпайсыңарбы? Мен Жогорку Кеңештин депутаты катары, шаар кеңештеги кесиптештериме кайрылам, көпөстөрдү колдоодон баш тартыңыздар, урматтуу депутаттар, элдик пикир менен эсептешиңиздер! Урматтуу өкмөт башчы Абылгазиев мырза, талапкер сунуштоо укугу Сизде да бар, жок дегенде Бишкекке курулуш магнаты эмес, иштерман жана коомдук пикир жакшы болгон бирөөнү сунуштаңыз», деп билдирди Жанар Акаев.

fakt.kg

Бөлүшүңүз