Ар бир жаран телефонун каттоо үчүн 100 сом төлөйт

39

Маалымат жана технологиялык байланыш боюнча мамлекеттик комитет телефондорду каттоодон өткөрүү боюнча токтом долбоорун коомдук талкууга чыгарды. Бул тууралуу аталган комитет тараткан маалыматында айтылат.

Маалым болгондой, ар бир байланыш телефондору каттоодон өткөрүлөт. Анын акысы 100 сомду түзөт.

Мамлекеттик маалымат технологиялар жана байланыш комитетинин төрага орун басары Эшмамбет Аматовдун айтымында, телефондорду каттоо дүйнөлүк тажрыйбанын негизинде келген. Мында Кыргызстанга аткезчилик жол менен кирип жаткан телефондорго тыюу салынат.

“Бүгүнкү күнү өлкөдөгү уюлдук телефондун канчасы аткезчилик жол менен кирип, мамлекетке салык төлөбөй жатат. Эгер уюлдук телефондор толук каттоого алынса, бир жерде тизме түзүлөт. Мында уюлдук операторлор каттоодон өткөн гана телефондорду иштетүү милдеттендирилип калат. Калган мыйзамсыз кирген телефондор бажы салыгын төлөмөйүнчө операторлор тармагына иштетилбейт”, — дейт Аматов.

fakt.kg

Бөлүшүңүз