Templates by BIGtheme NET

Казак министри Кыргыз өкмөтүнө жооп берди

Казакстандын Улуттук экономика министри Тимур Сулейменов кыргыз-казак чек арасындагы абалды саясатташтырбоого чакырды. Казак маалымат каражаттары кабарлагандай, министр «Евразиялык экономикалык комиссиянын принциптерин бузуу тууралуу» Казакстандын дарегине айтылган айыптоолорду негизсиз деп эсептейт.

«Менимче, кайсыл гана өлкө болбосун өзүнүн экономикалык жана башка кызыкчылыктарын коргоо зарылдыгы жаралса ички чараларды көрөт болуш керек. Мында абалды саясатташтырып, шашылыш ар нерселерди айтуунун кереги жок деп ойлойм. Жөн гана биздин жана кыргыз тараптын бардык кызыкдар органдары менен ыкчам иштерди улантып, көйгөйдү чечүүгө аракет кылуу керек», — деди Сулейменов.

Анын айтымында, Казакстан өз мыйзамдарынын жана ЕАЭБ боюнча алган милдеттенмелеринин алкагында аракет көрүүдө. «Каалаган тарап отуруп сүйлөшүүлөрдү өткөрүү үчүн Жогорку Евразиялык экономикалык кеңешке кайрылууга укуктуу. Мен өкмөттөр аралык кеңеште, комиссиянын кеңешинде чечим консенсус жолу менен гана кабыл алынарын белгилеп кетким келүүдө. Тагыраагы, кайсыл бир тарап сунушталган жолдор менен макул болбосо, анда чечим кабыл алынбайт. Ушуну эске алуу керек», — деди Сулейменов.

16-октябрда Кыргызстандын Экономика министрлиги кыргыз-казак чек арасындагы кошумча көзөмөлдүн киргизилишине байланыштуу Евразиялык экономикалык комиссияга кайрылганын билдирген.

«Казакстандын чек арадагы өткөрмө бекеттерде кошумча көзөмөл чараларын киргизиши ЕАЭБ тууралуу келишимдин максаттарына жана негизги принциптерине каршы келет, ошондой эле Евразиялык экономикалык интеграция жетишкен максаттарга коркунуч туудурат. Казакстан товар ташуу эркиндигин чектеп, бирдиктүү ЕАЭБ базарынын негизги иштөө принциптерин бузууда», — деп жазылган Кыргызстандын Экономика министрлигинин билдирүүсүндө.

fakt.kg

Тема боюнча:  «Текебаев менен Чотоновго бир дагы далилдүү факты көрсөтүлгөн жок»

Пикир калтыруу

Сиздин электрондук дарек жарыяланбайт. Милдеттүү талаалар *

*

*

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful