Templates by BIGtheme NET

Беш жыл талиптердин барымтасында болгон үй-бүлө бошотулду

Пакистан армиясы талиптердин колунда 5 жыл барымтада болгон үй-бүлөнү бошотту.

Маалыматка караганда, шаршембиде пакистан аскерлери 2012-жылы октябрда Хаккани террордук тобу тарабынан барымтага алынган америкалык аялды жана анын канадалык күйөөсүн бошотушту. Өкмөттүк күчтөр АКШнын учкучсуз учактары тарабынан чогултулган маалыматтарга таянуу менен Кейтлан Коулманды, Жошуа Бойлду жана алардын үч баласын алып бараткан унааны аткылашкан. Операция өлкөнүн түндүк-батышындагы Кохат шаарынын жанында болгон.

Жубайлар аймактагы өлкөлөргө саякат жасап жүргөн кезинде барымтага алынышкан. Ал кезде Коулман кош бойлуу болуп, балдары Ооганстанда төлөлгөн. Хаккани тобунун жоочулары Коулман менен Бойлду Ооганстанда кармалган командирлеринин бирине алмашууну көздөшкөн.

Кечээ АКШнын президенти Дональд Трамп бул окуяны Пакистан менен болгон мамиледеги жакшы учур деп атаган: «Бул биздин мамиледеги жакшы учур. Пакистан өкмөтүнүн бул аракети — өлкө бийлиги аймакты коопсуздук менен камсыздоодо өзүнө чоң роль алышы керектиги тууралуу биздин өтүнүчтөрүбүзгө олуттуу мамиле кылып жаткандыгын далилдөөдө», — деди Трамп.

Азырынча үй-бүлө Исламабадга жеткирилип, АКШнын элчилигинде кармалууда. Маалыматка караганда, Жошуа Бойл америкалыктар менен анын ооганстандык союздаштары туткундагы талиптерди кыйноого алып жаткандыгын айтып, АКШнын аскер учагы менен Ооганстандагы Баграм базасына баруудан баш тартууда. Жошуа Бойлдун биринчи аялы америкалыктарга туткунга түшүп, Гуантанамо абагында он жыл камакта болгон пакистандык террорчунун карындашы болгон.

fakt.kg

Тема боюнча:  Өзбекстанда дагы 150 милиционерге жарандардан алынган батирлер берилди

Пикир калтыруу

Сиздин электрондук дарек жарыяланбайт. Милдеттүү талаалар *

*

*

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful